Utusan Borneo >>Iban>>
Wednesday, September 10th, 2008
N66 MARUDI: Jalai alun ti nyambung rumah panjai bala raban bansa Iban ba menua Gudang enggau Poyut/Lubok Nibong ditu berupai balat jai udah bekau kompeni besai tebilang nama tampak rita ngereja pengawa nebang sereta ngambi kayu ari alai nya.
Gaya peda pemberita, jalai alun nya penuh laban lubang besai sereta dalam, luchak sereta mayuh penyai bukai laban semampai ditengah luri besai ngangkut kayu lebih ari muat iya nengah jalai alun nya.
Ari nya, bala rayat ba sebelah rumah panjai menua nya minta kasih ari sida kompeni kayu batang nya ngambi bejalaika tanggungjawab sida ngadu jalai ngasuh manah agi sereta belubang ba mayuh alai endur serantu jalai alun nya.
“Sebedau kompeni bejalaika pengawa sida betebangka kayu ba kandang menua ditu, jalai ditu jauh manah ari diatu, tang diatu udah bekau ditengah luri ngemai batang kayu, jalai tu nyau bakatu, ukai jalai rumah panjai agi,” ku siku Tuai Rumah ke enda ngasuh nama iya ditulis ditu.
Orang ke balat kena tinggang penanggul jalai alun nya bala pengajar ke berundang ke sekula ari Marudi, baka ngagai sekula SK.Poyut, SK.Sg Stapang, SK.Sg Brit, SK.Lubok Nibong, SJK Hua Nam enggau SJK Chiaw Nam laban tebal agi bala pengajar di menua ditu diau ba pasar Marudi ngenyadika bisi api enggau ai beresi.
Mayuh bendar bala tuai rumah ke nguan kelingi menua ditu ngemansutka ransi, bantah sereta kutuk sida pasal gaya gamal jalai ke balat jai sereta enda digaga-gaga ulih opis kuasa pengawa ngaga jalai nya.
Sida madah enda lantang bendar ati meda gaya penyai jalai alun nya, taja pan sekeda bala sida ke bisi bulih penguntung ari pengawa kompeni kayu batang nya sigi nadai bemunyi.
Ku bala sida ke ngeransi meda penyai jalai nya, nadai kebuah mensia mayuh tau enda mantah jalai ke jai nya, laban sida endang nadai jalai, tang nengah jalai nya kena mindah kulu kili.
Nyadi pekara tu sigi suah udah dikenataika ngagai Opis Tuan DO ngambika diperati ulih DO Baram Joseph Belayong empu. Tang taja pan DO Belayong suah bendar udah minta kompeni kayu batang nya ngadu jalai enggau manah, kompeni nya lalu nadai bejalaika pengawa munyi ke diasuh ulih DO nya.
Ngagai diatu, jalai nya agi mengkang belubang sereta mayuh penyai bukai. Sekeda lubang besai nya nganti nyawa ditaban.
“Diatu nadai agi meda belakin ba atas Jalai Poyut/Lubok Nibong nya, enda baka suba, mina diatu mayuh jalai nya endang tanah, enggau batu, ka tambah lubang dalam enggau besai,” ku siku orang nguan menua nya tang enda ngasuh nama iya ditulis ditu.
Siku anak lelaki Kapitan China ba menua Poyut madah jalai alun nya endang amat jai, laban iya diau ba simpang Sungai Brit.
Lelaki nya penama Houng madah, jalai alun dia chukup jai, kelebih agi laban luri kayu batang ke bejalai nengah nya musin pengujan, lalu ngeruang besai agi lubang sereta nambah pengeluchak jalai.
Wednesday, September 10th, 2008
N66 MARUDI: Jalai alun ti nyambung rumah panjai bala raban bansa Iban ba menua Gudang enggau Poyut/Lubok Nibong ditu berupai balat jai udah bekau kompeni besai tebilang nama tampak rita ngereja pengawa nebang sereta ngambi kayu ari alai nya.
Gaya peda pemberita, jalai alun nya penuh laban lubang besai sereta dalam, luchak sereta mayuh penyai bukai laban semampai ditengah luri besai ngangkut kayu lebih ari muat iya nengah jalai alun nya.
Ari nya, bala rayat ba sebelah rumah panjai menua nya minta kasih ari sida kompeni kayu batang nya ngambi bejalaika tanggungjawab sida ngadu jalai ngasuh manah agi sereta belubang ba mayuh alai endur serantu jalai alun nya.
“Sebedau kompeni bejalaika pengawa sida betebangka kayu ba kandang menua ditu, jalai ditu jauh manah ari diatu, tang diatu udah bekau ditengah luri ngemai batang kayu, jalai tu nyau bakatu, ukai jalai rumah panjai agi,” ku siku Tuai Rumah ke enda ngasuh nama iya ditulis ditu.
Orang ke balat kena tinggang penanggul jalai alun nya bala pengajar ke berundang ke sekula ari Marudi, baka ngagai sekula SK.Poyut, SK.Sg Stapang, SK.Sg Brit, SK.Lubok Nibong, SJK Hua Nam enggau SJK Chiaw Nam laban tebal agi bala pengajar di menua ditu diau ba pasar Marudi ngenyadika bisi api enggau ai beresi.
Mayuh bendar bala tuai rumah ke nguan kelingi menua ditu ngemansutka ransi, bantah sereta kutuk sida pasal gaya gamal jalai ke balat jai sereta enda digaga-gaga ulih opis kuasa pengawa ngaga jalai nya.
Sida madah enda lantang bendar ati meda gaya penyai jalai alun nya, taja pan sekeda bala sida ke bisi bulih penguntung ari pengawa kompeni kayu batang nya sigi nadai bemunyi.
Ku bala sida ke ngeransi meda penyai jalai nya, nadai kebuah mensia mayuh tau enda mantah jalai ke jai nya, laban sida endang nadai jalai, tang nengah jalai nya kena mindah kulu kili.
Nyadi pekara tu sigi suah udah dikenataika ngagai Opis Tuan DO ngambika diperati ulih DO Baram Joseph Belayong empu. Tang taja pan DO Belayong suah bendar udah minta kompeni kayu batang nya ngadu jalai enggau manah, kompeni nya lalu nadai bejalaika pengawa munyi ke diasuh ulih DO nya.
Ngagai diatu, jalai nya agi mengkang belubang sereta mayuh penyai bukai. Sekeda lubang besai nya nganti nyawa ditaban.
“Diatu nadai agi meda belakin ba atas Jalai Poyut/Lubok Nibong nya, enda baka suba, mina diatu mayuh jalai nya endang tanah, enggau batu, ka tambah lubang dalam enggau besai,” ku siku orang nguan menua nya tang enda ngasuh nama iya ditulis ditu.
Siku anak lelaki Kapitan China ba menua Poyut madah jalai alun nya endang amat jai, laban iya diau ba simpang Sungai Brit.
Lelaki nya penama Houng madah, jalai alun dia chukup jai, kelebih agi laban luri kayu batang ke bejalai nengah nya musin pengujan, lalu ngeruang besai agi lubang sereta nambah pengeluchak jalai.
No comments:
Post a Comment